والد ياسمين صبري يكذب ابنته ويفاجئها بصور خاصة.. ويعلق: "أنا مش معترف بجوازها اللي من ورا ظهري"!

صحيفة المرصد: خرج أشرف صبري والد الفنانة المصرية ياسمين صبري عن صمته ليكذب ابنته ويهاجمها بعدما أعلنت مؤخرا أنها ليست على علاقة أو تواصل معه، وأنه لم يتعامل معها منذ أن كان عمرها عامين.
ونشر والد ياسمين عبر حسابه الرسمي على موقع "فيسبوك"، عدة صور لها من حفل خطوبتها الأولى، وكان حاضرا معها. وعلق قائلا: "بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن أبوها في ضهره؟".
وأضاف: "أصدقاؤنا كانوا بييجو البيت بيشوفوها، ولما كبرت جيبتلها عربية، ياريت الناس اللي يعرفونا وجم بيتنا يردوا.. ويقولوا ياسمين كانت عايشة في بيتي إزاي في كل مراحلها وإزاي اتخطبت وعملتلها أجمل حفلة ودي صورها".
وتابع: "الكدب ده بيبرر بالنسبة لها سبب عدم حضورها فرح أخوها، ولو أب اهتم بفرح ابنه وزعلان إن إخواته ماجوش مش حيهتم ببنته؟ أنا عملت لها حياة كريمة راقية ومحترمة وماكنتش فاكر إن الرد حيكون كده، والسر اللي الناس ما تعرفوش إنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا".
واستطرد: "اتجوزت من ورايا وبدون علمي بعد التربية اللي عملتها لها، وعشان كده أنا مش معترف بجوازها اللي من ورا ضهري ده. وحسبي الله ونعم الوكيل".